Әртүрлі басқару топтары үшін бір саясаттың бірнеше көшірмесін жасау қажеттілігі туындауы мүмкін; осы саясаттардың параметрлерін орталықтан өзгерту қажеттілігі де туындауы ықтимал. Бұл көшірмелер бір немесе екі параметрде ерекшеленуі мүмкін. Мысалы, ұйымдағы барлық бухгалтерлер бірдей саясаттың басқаруымен жұмыс істейді, бірақ аға бухгалтерлерге USB флеш-дискілерін пайдалануға рұқсат етіледі, ал кіші бухгалтерлерге рұқсат етілмейді. Бұл жағдайда, басқару топтарының иерархиясы арқылы құрылғыларға саясаттарды қолдану ыңғайсыз болуы мүмкін.
Бір саясаттың бірнеше көшірмесін жасауды болдырмау үшін Kaspersky Security Center бағдарламасы саясат профильдерін жасауға мүмкіндік береді. Саясат профильдері, бір басқару тобындағы құрылғылардың әртүрлі саясат параметрлері болуы үшін қажет.
Саясат профилі, саясат параметрлерінің аталған ішкі жиынтығы болып табылады. Параметрлердің осы ішкі жиынтығы құрылғыларға саясатпен бірге таралады және келесі шартты – профильді белсендіру шартын орындаған кезде саясатты толықтырады. Профильдер басқарылатын құрылғыда әрекет ететін "негізгі" саясаттан ерекшеленетін параметрлерді ғана қамтиды. Профильді белсендіру кезінде құрылғыда бастапқыда әрекет еткен "негізгі" саясат параметрлері өзгереді. Бұл параметрлер профильде көрсетілген мәндерді қабылдайды.